李克勤：我估法国捧杯 zt

meng

李克勤：我估法国捧杯 zt  　　周一深夜两点，将会上演今届世界杯既最后一仗，睇埋呢场波，大家就可以重新做人，做番个正常人。

　　意大利对法国，好多人都比较睇好意大利，首先意大利球员平均年龄较轻，体力回复较快亦多一日时间休息，另外意军既打法变化较多，可用高大既东尼或基拿甸奴或两个一齐用，亦可分别上阵或搭个‘鸡王’恩沙基，仲有一个步大力雄速度极快既伊亚昆达，我谂下半场后段如果仲系和局此子将会系对付法国一班老鬼既‘不’秘密武器，派路 加度素 托迪甚至甘莫兰尼斯呢条中场线绝不比法国既黄金中场逊色，尤其系派路，可以中距离发炮亦有致命传送，唔系得细哨先识nolookpass，德国就系咁死系佢脚下，后防呢？唔驶讲啦，你有见过历史上有意大利后防唔好既咩？最后面仲有个保方，可能系现今世上最好既门将，比巴夫斯隐阵百倍。

　　至于法国，整体实力确悄逊，但个别位置却优于意军，灵魂人物施丹最后一战，无后顾之忧唔驶理受唔受伤必定搏尽呢下先得人骛，亨利亦有凭一己之力改变战果既级数，其他如韦拉马基利尼杜林等经验丰富，呢点系决赛系相当重要，巴夫斯？你以为佢唔得佢分分钟得比你睇！